Plantun de Prouvènço

Pèr coumpara dos planto d'encò nostre

Samolus valerandi & Fraxinus excelsior

Mourihoun-d'aigo

Samolus valerandi

Primulaceae

Autre noum : Pan-froument.

Nom en français : Mouron d'eau.

Descripcioun :
Lou mourihoun-d'aigo es uno pichoto planto renadivo que trachis en ribo d'aigo. La maje-part di fueio soun basalo, d'un verd palinous. Fai de pichòti flour blanco di 5 sepalo e petalo en longo paniculo.

Usanço :
Poudès acampa lou mourihoun-d'aigo e lou manja en ensalado (pan-froument).

Port : Erbo
Taio : Pancaro entresigna
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Samolus
Famiho : Primulaceae

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : Pancaro entresigna
Aparado : Noun
Remarco : Ensalado champanello

Liò : Ribiero - Palun
Estànci :
Couroulougi : Pancaro entresigna
Ref. sc. : Samolus valerandi L., 1753

Frais

Fraxinus excelsior

Oleaceae

Àutri noum : Frau, Fraich, Fraiche, Fraisse, Frais-mascle.

Nom en français : Frêne commun.

Descripcioun :
Lou frais es un aubre de mountagno que trachis dins li relarg umide en terro prefoundo. Se recounèis à si bourroun negre e óupousa, à si fueio coumpausado de 5 à 11 fueioun denta e pounchu, e peréu à soun fru que ié dison "lengo d'aucèu".

Usanço :
Emé la ligno de frais se fai li manche d'óutis. Li fueio (e li fru) soun couneigudo pèr lucha contro lou mau-d'os e ajuda à pissa. Faire bouli uno pougnado, pièi après infusioun, béure emé de jus de limoun. Dins d'ùni endré, li jóuini fru soun manja après èstre esta bouli dous cop. En Franço s'adoubo uno bevendo, la freineto, emé li fueio cuberto de melado (producho pèr li nieroun).